عايز افكار للصدقة لو مش معايا فلوس ؟

اهلا بيك ي غالي
احييك على سؤالك وحرصك على أجر الصدقة
لكن اخب اعلمك شيء … اعلمك حديث مهم جدا
وهو عن النية
النبي صلى الله عليه وسلم بيقول “إنما لكل امريء ما نوى ”

يعني ايه ؟
يعني اي عمل بتعمله يرضي الله ونويت به صدقة؟ هو عند الله بأجر الصدقة !🌷

الله قالنا “ما جعل عليكم في الدين من حرج” سورة الحج
ديننا واسع مفيهوش تضييق أبدًا لمسلم يبتغي وجه الله في كل عمل

لكن هقترح عليك أفكار للصدقة مع ذلك

1) النبي صلى الله عليه وسلم قال
اننا بمجردما نصحى علينا لكل سلمة ف جسمنا صدقة وهما فوق ٣٠٠ … لكن قال ان يكافيء كل دول انك تصلي صلاة الضحى وهما ركعتين او اربعة او ٦ او ٨ من بعد الشروق بربع ساعة لقبل الظهر بريع ساعة.

2) ابتسامتك في وجه أهلك واصحابك وجيرانك وكل ال تعرفهم صدقة

3) الكلمة الطيبة ال بتود بيها والدتك او والدك او زوجتك وأبناءك واخواتك وكل الناس..صدقة وصدقة عظيمة الله حثنا عليها وأمرنا بيه
“وقل لعبادي يقولوا التي هي أحسن إن الشيطان ينزغ بينهم ”

4) لو نصحت غيرك نصيحة لوجه الله بفعل طيب او البعد عن مكروه دا صدقة وأجر عظيم

5) كل تسبيحة وتهليلة وتحميده صدقة .. ذكر الله

وزي ما اتفقنا انوي ما شئت ،ربنا يجازيك على ما نويت